http://www.elraees.com/index.php/nabielaboelnaga/item/3607
"يا عمنا الدنيا مولعة والناس نازله طحن في بعضها والكبير بتاعنا ماهواش هنا وآل إيه في زيارة بره, موش تشوف جوه وبعدين تفكر في اللي بره يازعيم" التنبل النور الشاطر بيكلم اللي متلأح جنبه على الكنبه وبيشم الهواء العليل فوق جبل بعيدا عن الضوضاء وهو كله لزوم الأبهه والفخفخة والراحة.
رد عليه التنبل المفرفش "ما تسيبوه يتفسخ, انتوا حاطين نإركم من نإره ليه, هوه كان عمل إيه يعني؟ راح خد الدكتوراة الفخرية وكلها شهادات بتنفع في التوظيف في ناسا ويركب الهوا".
قاطعه تنبل مثقف لكن إرم ولئيم "والله حايركب تشالنجر ويشرفنا كلنا بس المرة دي تشالنجر موش حاينفجر, عارفين ليه, لإن الشعب المصري هوه اللي انفجر من الغيظ والبلاوي اللي قاعدة تتحدف عليه كل يوم".
أضاف تنبل لا بس هدومه أحيانا وأحيان أخرى لا "جماعتنا دي بتاعة كل حاجة ولازم توصل الكواكب والنجوم وتعمل سبق في العالم كله انتوا موش شايفين البلد بأت عاملة إزاي, دي ولا بلاد الفرنجة والأندلس, نظافة وهدوء ونظام وحب وتسامح وتعاون".....
كسر قواعد جماعة التنابلة التنبل المدهول وجرى مهرولا "بسم الله الرحمن الرحيم, الله أكبر, الراجل جات له لوثة, إلحقوه ياجماعة, هاتوا تلج نعمله كمادات الراجل خرف وما عدش عارف حاجة خالص وبيهلوس" وطبعا لم يستجيب أحد لنداءه لأنهم كلهم تنابلة والواحد فيهم موش حا يتعتع من مكانه فديدنهم واحد وسمعهم وطاعتهم واحدة وعلى قلب رجل واحد وكابسين على قلب شعب واحد الله واحد وغالب على أمره والله المستعان.
تمتم تنبل مدروش " هوه فيه كبير للواحد غير ربنا ؟", لم يكد ينطق بها حتى وبخه التنبل الشاطر ونهره قائلا " خسئت يا تنبل, انت مرفود من الجماعة, انت خرجت عن السمع والطاعة, احنا في جماعة لها ناس كبره وبتفهم أحسن من أي حد ولازم نطيعهم مهما يحصل لأن لهم كرامات ويأدروا يوصلونا للفلاح في الدنيا والآخرة وشوف الدنيا مزهزه إزاي يا تنبل يا مرفود, شوف أول ما ركبنا البلد الحال بأه تمام التمام ولا حاتمشوا ورا الناس الوحشين اللي بيقولوا إن احنا موش عارفين حاجة في أي حاجة عشان غايرانين مننا عشان احنا بنصوم وبنصلي وهمه لأ, ولا نكذب وهمه لأ, ونراعي ربنا وهمه لأ, ونسهر على مصلحة البلد وهمه لأ, وندعي بالحكمة والموعظة الحسنة وهمه لأ, ونعدل بين الناس وهمه لأ,يعني بالبلدي كده احنا الكل في الكل وهمه نكره ولأ واللي موش عاجبه يشوف له جماعة غيرنا ويسيب البلد للناس اللي تعرف ربنا.
قال التنبل المفرفش ضاحكا ومتبسما وسط التجهم والبلاهة التي تعلو الوجوه "الله على كلامك اللي زي العسل يا باش تنبل يا شاطر ده بينأط حكمه" وعموما بشكرك وقولك مرسي خالص...مرسي أوي...فاهمني يا شاطر وانت ياللي لابس هدومك والله منظركم بديع خالص وطظ في اللي موش عاجبه ورجله فوق رقبته يا فلول ياوحشين وأوموا يا تنابله بأه علشان نلحق الجهاد في مدينة الإنتاج الإعلامي ونمنع الكفرة من الدخول ومايبانلهمش صاحب, بس خلي بالكم موش كل الاستوديوهات تتحرق استوديوهات الكفرة والمشركين بس عشان نخرسهم ومايبانلهمش صاحب والصوت صوتنا احنا بس ياحلو يا جامد يا مسيطر.
--------------------------------------------
* لواء متقاعد - وحدات الصاعقة
بقلم اللواء : نبيل أبو النجا *
"يا عمنا الدنيا مولعة والناس نازله طحن في بعضها والكبير بتاعنا ماهواش هنا وآل إيه في زيارة بره, موش تشوف جوه وبعدين تفكر في اللي بره يازعيم" التنبل النور الشاطر بيكلم اللي متلأح جنبه على الكنبه وبيشم الهواء العليل فوق جبل بعيدا عن الضوضاء وهو كله لزوم الأبهه والفخفخة والراحة.
رد عليه التنبل المفرفش "ما تسيبوه يتفسخ, انتوا حاطين نإركم من نإره ليه, هوه كان عمل إيه يعني؟ راح خد الدكتوراة الفخرية وكلها شهادات بتنفع في التوظيف في ناسا ويركب الهوا".
قاطعه تنبل مثقف لكن إرم ولئيم "والله حايركب تشالنجر ويشرفنا كلنا بس المرة دي تشالنجر موش حاينفجر, عارفين ليه, لإن الشعب المصري هوه اللي انفجر من الغيظ والبلاوي اللي قاعدة تتحدف عليه كل يوم".
أضاف تنبل لا بس هدومه أحيانا وأحيان أخرى لا "جماعتنا دي بتاعة كل حاجة ولازم توصل الكواكب والنجوم وتعمل سبق في العالم كله انتوا موش شايفين البلد بأت عاملة إزاي, دي ولا بلاد الفرنجة والأندلس, نظافة وهدوء ونظام وحب وتسامح وتعاون".....
كسر قواعد جماعة التنابلة التنبل المدهول وجرى مهرولا "بسم الله الرحمن الرحيم, الله أكبر, الراجل جات له لوثة, إلحقوه ياجماعة, هاتوا تلج نعمله كمادات الراجل خرف وما عدش عارف حاجة خالص وبيهلوس" وطبعا لم يستجيب أحد لنداءه لأنهم كلهم تنابلة والواحد فيهم موش حا يتعتع من مكانه فديدنهم واحد وسمعهم وطاعتهم واحدة وعلى قلب رجل واحد وكابسين على قلب شعب واحد الله واحد وغالب على أمره والله المستعان.
تمتم تنبل مدروش " هوه فيه كبير للواحد غير ربنا ؟", لم يكد ينطق بها حتى وبخه التنبل الشاطر ونهره قائلا " خسئت يا تنبل, انت مرفود من الجماعة, انت خرجت عن السمع والطاعة, احنا في جماعة لها ناس كبره وبتفهم أحسن من أي حد ولازم نطيعهم مهما يحصل لأن لهم كرامات ويأدروا يوصلونا للفلاح في الدنيا والآخرة وشوف الدنيا مزهزه إزاي يا تنبل يا مرفود, شوف أول ما ركبنا البلد الحال بأه تمام التمام ولا حاتمشوا ورا الناس الوحشين اللي بيقولوا إن احنا موش عارفين حاجة في أي حاجة عشان غايرانين مننا عشان احنا بنصوم وبنصلي وهمه لأ, ولا نكذب وهمه لأ, ونراعي ربنا وهمه لأ, ونسهر على مصلحة البلد وهمه لأ, وندعي بالحكمة والموعظة الحسنة وهمه لأ, ونعدل بين الناس وهمه لأ,يعني بالبلدي كده احنا الكل في الكل وهمه نكره ولأ واللي موش عاجبه يشوف له جماعة غيرنا ويسيب البلد للناس اللي تعرف ربنا.
قال التنبل المفرفش ضاحكا ومتبسما وسط التجهم والبلاهة التي تعلو الوجوه "الله على كلامك اللي زي العسل يا باش تنبل يا شاطر ده بينأط حكمه" وعموما بشكرك وقولك مرسي خالص...مرسي أوي...فاهمني يا شاطر وانت ياللي لابس هدومك والله منظركم بديع خالص وطظ في اللي موش عاجبه ورجله فوق رقبته يا فلول ياوحشين وأوموا يا تنابله بأه علشان نلحق الجهاد في مدينة الإنتاج الإعلامي ونمنع الكفرة من الدخول ومايبانلهمش صاحب, بس خلي بالكم موش كل الاستوديوهات تتحرق استوديوهات الكفرة والمشركين بس عشان نخرسهم ومايبانلهمش صاحب والصوت صوتنا احنا بس ياحلو يا جامد يا مسيطر.
* لواء متقاعد - وحدات الصاعقة
