http://elraees.com/index.php/nasrmosa/item/4379
كذلك تكلمنا عن الكشف الطبى فى مركز رواد الفضاء قبل انتهاء الفرقة وأهمية جهاز الطرد المركزى وكيف يتحمل كل من الطيار والطائرة للحمل الزائد (G) .
واليوم هى الطلعة الأخيرة لى فى الإتحاد السوفييتى والتى بها أكون قد أتممت فرقة الطيران , وكانت من أنجح الطلعات على أحدث طراز من الميج 21 .
كذلك أتم جميع الزملاء آخر طلعة , إلى أن جاء يوم التخرج بمعنى الاجتماع مع المسئول الروسى عن الفرقة وقائد القاعدة والمشرف المصرى , وذلك لتقييم التدريب , وكانت الدرجات النهائية سواء للفرقة النظرية أو فرقة الطيران العملى تتكون من(5 درجات) فقط (5-4-3-2-1), هذا منذ ( 45 سنة ) مثل النظام الحالى من (A – B – C – D – E ) وكان نصيبى والحمد لله ( 5 ) فى جميع المواد النظرية وفرقة الطيران ..
قمة السعاده .. الحصول على أعلى الدرجات والحصول على شهادة ميلاد جديدة فى حياتى كطيار مقاتلات .
إجتمع بنا مشرف الفرقة المصرى وقال : أنتم فى سن الشباب ولكن الآن أنتم رجال بمعنى الكلمه رجال بالمهمه الملقاه على أكتافكم , وإنه لشرف كبير لى أن اكون مشرفاً لفرقتكم , وأنتم شرف لمصر كلها لاستيعابكم هذا التدريب فى هذة المدة القصيره جدآ , على خلاف مارأيتم من طياربن الدول العربية الأخرى الذين لديهم نفس فرقة الطيران ولكن خلال سنتين وليس (5 أشهر) مثلكم , وهذا يعنى تحملكم المسؤلية فى أن تكونوا فى الطليعة , ومصر تعتمد على شبابها ورجالها فى بناء القوات المسلحه لتحرير الأرض , كونوا على قدر المسؤليه باستكمال تدريببكم فى مصر لملاحقة زملائكم وقادتكم وإلى العلا فى سبيل المجد " وهو شعار القوات الجوية " .
كلمات حفرت فى القلوب واستعداد كامل للعودة للوطن وتلبية النداء , ولكن كيف نلبى النداء ونحن طيارون احترفنا إستخدام وقيادة الطائرات بكفاءة وبدون قتال , هناك فرق كبير بين الفارس الذى يمتطى الجواد بكفاءة عالية (Rider) ونعرف كيف نروضها لنقدم عرضاً جيداً , وبين الفارس (Knight) والذى يمتطى الجواد بكفاءة ويقوم بإستخدام السيف لقتال العدو من فوق ظهر الجواد .
وهو الفرق الكبير الذى نحس به الآن , لدينا شعور بالقلق وذلك لأن الصورة لم تكتمل بعد ,أى أن هذا التدريب لا يصلح للحرب ونحن قادمون لها , وسوف أقوم لاحقاً بشرح أن هذا التخوف والقلق ليس له وجود , وذلك بعد الإلتحاق بالأسراب والتدريب الحقيقى على أيدى الطياربن المقاتلين المحترفين خريجى حرب الاستنزاف الذين دفعوا من دمائهم الكثير ليكتسبوا خبرة كبيرة نقلوها لنا ....
إحساس إنك طيار إحساس فريد من نوعه لا يمكن وصفه ولا يتخيله أى شخص عادى لا يعلم شئاً عن الطيران , إحساس بالقوة وإنك تستطيع أن تقوم بأى شئ لا يفعله إلا قليل من البشر .
بعد هذة الكلمات الحماسية لرفع الروح المعنوية قبل المغادرة أدت الى جلسة مغلقة لزملاء الدفعه أو الفرقة ودار الحوار بيننا كالآتى :
-- الكلام ده والشحن المعنوى ده معناه إيه ؟...
-- والله الراجل عايز يوضح إن إحنا حاجه كبيرة قوى .
-- حاجه كبيرة إزاى يابنى وإحنا يدوبك طيارين .
-- وإيه يعنى ما احنا حانرجع ونتدرب على القتال الجوى من الطيارين القدام .
-- وإنت إيش عرفك إن الحرب حاتستنى لما نتدرب , مش ممكن تقوم قبل مانوصل للمستوى المطلوب ؟...
-- يابنى ما انت شايف إن القوات المسلحه كلها بتستعد .
-- ده لسه حرب الإستنزاف شغالة , هو فيه وقت للاستعداد .
-- لأ أنا سمعت إن حرب الإستنزاف خلصت .
-- خلصت والا ماخلصتش ...وإحنا مالنا ....
-- واحنا مالنا إزاى .. إنت عارف إن أول دفعه جت روسيا وكانوا ميج 21 برضه وكان تدريبهم زييينا , ولما رجعوا كانت حرب الإستنزاف شغاله راحوا مدخلينهم المعارك الجوية وإشتباكات على طول , وكانت القيادة فاكرة إن تدريبهم هنا شامل الطيران والقتال الجوى وعشان كده استشهد منهم طيارين لأن مستواهم فى القتال غير كامل , يعنى زينا بالظبط
-- والله كل دفعه ولها ظروفها ..
-- ظروفها .. ظروفها يعنى إيه ... يعنى هما بمزاجهم ..ده تنفيذ للأوامر .
-- ياحضرات أنا سمعت إنهم سحبوهم من الأسراب لإعادة تدريبهم , وبيقولوا إن دخولهم الاشتباكات بالسرعة دى كانت غلطة كبيرة .
-- على فكرة .. الدفعات اللى بعدهم أو اللى قبلنا كلهم منعوهم من الدخول فى معارك جوية , وعملوللهم فرقة رفع مستوى وتدريب مكثف على القتال الجوى , وهما دلوقتى 100 /100 وبيخدموا فى الأسراب سواء المقاتلة أو المقاتلة القاذفة .
-- إنتم عاملين قلق ليه ؟, حرب الاستنزاف خلصت الشهر اللى فات ( أغسطس ) وده وقت التقاط الأنفاس .
-- بالضبط زى مابيقول عندنا الوقت متاح , إحنا متهيألى مش محتاجين أكثر من (6شهور ) لرفع المستوى للقتال الجوى , ونبقى جاهزين .
-- بقولكم إيه ..خلوها على الله , إحنا مفيش فى إيدينا حاجة , أهم حاجه نعمل اللى علينا وخلاص .
-- ماتنسوش ياحضرات إن إنتم عديتوا مرحلة مهمة قوى وبسرعة جدآ .
-- والله الواد ده كلامه صح , ده حتى باقى دفعتنا اللى إتدربوا فى مصر , لسه حايطيروا ميج 17 , وإنتم راجعين وطايرين ميج 21 بعدد ساعات كبير ومش محتاجين غير فرقة رفع مستوى للقتال الجوى .
-- أوعوا تنسوا إن التدريب هنا قوى جداً فى المعلومات الفنية للطيارة , ودى حاجة مهمة جدآ فى إستكمال التدريب وده واضح إنه إدانا ثقة فى الطيارة , مش دى حاجة مهمة برضه, مش كده والا إيه ؟...
-- آه والله إحنا أساتذة فى كل مسمار فى الطيارة , أنا بحس إنى والطيارة واحد .
-- كفاية كده قوموا ناموا إحنا ورانا سفر بعد بكره لازم نستعد ونجهز الشنط .
-- شنط إيه يا ابو شنط ..... أنا معايا هاند باج بس .
-- أنا شخصيآ معايا شنطتين , وجايب هدايا لوالدى ووالدتى واخواتى .
-- يابختك ياعم .
وبدأوا بالتسرب واحد واحد للنوم والتفكير فى الأهل والأحباب والأصدقاء والمصير المجهول .
و نكمل فى المقال القادم إن شاء الله تعالى .
مشوار حياة .. ورحلة ذكريات ـ 17
الترتيبات النهائية لرحلة العودة للوطن
بقلم اللواء نصر موسى *
نعود مرة أخرى للحديث عن مشوار الحياة ورحلة الذكريات , بعد أن تكلمنا عن الوصول إلى المرحلة النهائية من فرقة الطيران
بعدد ( 16 طيار ) , وتغيير المدرس الرائد طيار الروسى بآخر برتبة ملازم
طيار والذى أعطى خبره كبيره جدآ بقفل المحرك فى الجو وإعادة التدوير مرة
أخرى , والمشاكل الناجمة عن ذلك .. وكيف أن المحرك الواحد فى الطائرة
المقاتلة هو بمثابة روح الطائرة وبدونه تكون الطائرة فى الجو كالطوبه التى
تسقط من ارتفاع عال .
كذلك تكلمنا عن الكشف الطبى فى مركز رواد الفضاء قبل انتهاء الفرقة وأهمية جهاز الطرد المركزى وكيف يتحمل كل من الطيار والطائرة للحمل الزائد (G) .
واليوم هى الطلعة الأخيرة لى فى الإتحاد السوفييتى والتى بها أكون قد أتممت فرقة الطيران , وكانت من أنجح الطلعات على أحدث طراز من الميج 21 .
كذلك أتم جميع الزملاء آخر طلعة , إلى أن جاء يوم التخرج بمعنى الاجتماع مع المسئول الروسى عن الفرقة وقائد القاعدة والمشرف المصرى , وذلك لتقييم التدريب , وكانت الدرجات النهائية سواء للفرقة النظرية أو فرقة الطيران العملى تتكون من(5 درجات) فقط (5-4-3-2-1), هذا منذ ( 45 سنة ) مثل النظام الحالى من (A – B – C – D – E ) وكان نصيبى والحمد لله ( 5 ) فى جميع المواد النظرية وفرقة الطيران ..
قمة السعاده .. الحصول على أعلى الدرجات والحصول على شهادة ميلاد جديدة فى حياتى كطيار مقاتلات .
إجتمع بنا مشرف الفرقة المصرى وقال : أنتم فى سن الشباب ولكن الآن أنتم رجال بمعنى الكلمه رجال بالمهمه الملقاه على أكتافكم , وإنه لشرف كبير لى أن اكون مشرفاً لفرقتكم , وأنتم شرف لمصر كلها لاستيعابكم هذا التدريب فى هذة المدة القصيره جدآ , على خلاف مارأيتم من طياربن الدول العربية الأخرى الذين لديهم نفس فرقة الطيران ولكن خلال سنتين وليس (5 أشهر) مثلكم , وهذا يعنى تحملكم المسؤلية فى أن تكونوا فى الطليعة , ومصر تعتمد على شبابها ورجالها فى بناء القوات المسلحه لتحرير الأرض , كونوا على قدر المسؤليه باستكمال تدريببكم فى مصر لملاحقة زملائكم وقادتكم وإلى العلا فى سبيل المجد " وهو شعار القوات الجوية " .
كلمات حفرت فى القلوب واستعداد كامل للعودة للوطن وتلبية النداء , ولكن كيف نلبى النداء ونحن طيارون احترفنا إستخدام وقيادة الطائرات بكفاءة وبدون قتال , هناك فرق كبير بين الفارس الذى يمتطى الجواد بكفاءة عالية (Rider) ونعرف كيف نروضها لنقدم عرضاً جيداً , وبين الفارس (Knight) والذى يمتطى الجواد بكفاءة ويقوم بإستخدام السيف لقتال العدو من فوق ظهر الجواد .
وهو الفرق الكبير الذى نحس به الآن , لدينا شعور بالقلق وذلك لأن الصورة لم تكتمل بعد ,أى أن هذا التدريب لا يصلح للحرب ونحن قادمون لها , وسوف أقوم لاحقاً بشرح أن هذا التخوف والقلق ليس له وجود , وذلك بعد الإلتحاق بالأسراب والتدريب الحقيقى على أيدى الطياربن المقاتلين المحترفين خريجى حرب الاستنزاف الذين دفعوا من دمائهم الكثير ليكتسبوا خبرة كبيرة نقلوها لنا ....
إحساس إنك طيار إحساس فريد من نوعه لا يمكن وصفه ولا يتخيله أى شخص عادى لا يعلم شئاً عن الطيران , إحساس بالقوة وإنك تستطيع أن تقوم بأى شئ لا يفعله إلا قليل من البشر .
بعد هذة الكلمات الحماسية لرفع الروح المعنوية قبل المغادرة أدت الى جلسة مغلقة لزملاء الدفعه أو الفرقة ودار الحوار بيننا كالآتى :
-- الكلام ده والشحن المعنوى ده معناه إيه ؟...
-- والله الراجل عايز يوضح إن إحنا حاجه كبيرة قوى .
-- حاجه كبيرة إزاى يابنى وإحنا يدوبك طيارين .
-- وإيه يعنى ما احنا حانرجع ونتدرب على القتال الجوى من الطيارين القدام .
-- وإنت إيش عرفك إن الحرب حاتستنى لما نتدرب , مش ممكن تقوم قبل مانوصل للمستوى المطلوب ؟...
-- يابنى ما انت شايف إن القوات المسلحه كلها بتستعد .
-- ده لسه حرب الإستنزاف شغالة , هو فيه وقت للاستعداد .
-- لأ أنا سمعت إن حرب الإستنزاف خلصت .
-- خلصت والا ماخلصتش ...وإحنا مالنا ....
-- واحنا مالنا إزاى .. إنت عارف إن أول دفعه جت روسيا وكانوا ميج 21 برضه وكان تدريبهم زييينا , ولما رجعوا كانت حرب الإستنزاف شغاله راحوا مدخلينهم المعارك الجوية وإشتباكات على طول , وكانت القيادة فاكرة إن تدريبهم هنا شامل الطيران والقتال الجوى وعشان كده استشهد منهم طيارين لأن مستواهم فى القتال غير كامل , يعنى زينا بالظبط
-- والله كل دفعه ولها ظروفها ..
-- ظروفها .. ظروفها يعنى إيه ... يعنى هما بمزاجهم ..ده تنفيذ للأوامر .
-- ياحضرات أنا سمعت إنهم سحبوهم من الأسراب لإعادة تدريبهم , وبيقولوا إن دخولهم الاشتباكات بالسرعة دى كانت غلطة كبيرة .
-- على فكرة .. الدفعات اللى بعدهم أو اللى قبلنا كلهم منعوهم من الدخول فى معارك جوية , وعملوللهم فرقة رفع مستوى وتدريب مكثف على القتال الجوى , وهما دلوقتى 100 /100 وبيخدموا فى الأسراب سواء المقاتلة أو المقاتلة القاذفة .
-- إنتم عاملين قلق ليه ؟, حرب الاستنزاف خلصت الشهر اللى فات ( أغسطس ) وده وقت التقاط الأنفاس .
-- بالضبط زى مابيقول عندنا الوقت متاح , إحنا متهيألى مش محتاجين أكثر من (6شهور ) لرفع المستوى للقتال الجوى , ونبقى جاهزين .
-- بقولكم إيه ..خلوها على الله , إحنا مفيش فى إيدينا حاجة , أهم حاجه نعمل اللى علينا وخلاص .
-- ماتنسوش ياحضرات إن إنتم عديتوا مرحلة مهمة قوى وبسرعة جدآ .
-- والله الواد ده كلامه صح , ده حتى باقى دفعتنا اللى إتدربوا فى مصر , لسه حايطيروا ميج 17 , وإنتم راجعين وطايرين ميج 21 بعدد ساعات كبير ومش محتاجين غير فرقة رفع مستوى للقتال الجوى .
-- أوعوا تنسوا إن التدريب هنا قوى جداً فى المعلومات الفنية للطيارة , ودى حاجة مهمة جدآ فى إستكمال التدريب وده واضح إنه إدانا ثقة فى الطيارة , مش دى حاجة مهمة برضه, مش كده والا إيه ؟...
-- آه والله إحنا أساتذة فى كل مسمار فى الطيارة , أنا بحس إنى والطيارة واحد .
-- كفاية كده قوموا ناموا إحنا ورانا سفر بعد بكره لازم نستعد ونجهز الشنط .
-- شنط إيه يا ابو شنط ..... أنا معايا هاند باج بس .
-- أنا شخصيآ معايا شنطتين , وجايب هدايا لوالدى ووالدتى واخواتى .
-- يابختك ياعم .
وبدأوا بالتسرب واحد واحد للنوم والتفكير فى الأهل والأحباب والأصدقاء والمصير المجهول .
و نكمل فى المقال القادم إن شاء الله تعالى .
-----------------------------------------------------
* لواء طيار - نائب قائد القوات الجوية سابقاً
ليست هناك تعليقات:
إرسال تعليق