http://elraees.com/index.php/news/2013-01-28-17-32-43/item/2869
كتب - خالد عثمان :
تهديد واضح وجهه أحد ضباط وزارة الداخلية إلى أولتراس أهلاوى، بعد توعدهم بعدم التنازل عن القصاص من قيادات وزارة الداخلية
المتهمين فى مجزرة استاد بورسعيد التى راح ضحيتها 72 مشجعا أهلاويا، وذلك
خلال جلسة يوم السبت القادم، والانتقام من الوزارة فى حالة حصول المتهمين
التسعة فى القضية على البراءة.
أرسل الملازم أول، محمد حجازى، عبر صفحة "الجهاز الإعلامى لوزارة الداخلية" على "فيس بوك" اليوم الاثنين، رسالة تهديدية نصها: «يوم 9 مارس مكتوب على كل حيطة من ألتراس أهلاوى "حسابنا مع الداخلية".. كلام جميل جدا، طيب ممكن من دلوقتى تحذير لكل واحد من ألتراس أهلاوى
لسة بياخد مصروفه من بابا بلاش تعمل حاجة عشان بابا وماما ما يطلعوش فى
التليفزيون يقولوا ابننا شهيد، وتحذير برضه لأهالى ألتراس، لو انت مش عارف
تحكم ابنك من النهاردة ماتزعلش عليه لأن جهاز الشرطة مش بتاع شوية عيال
زعلانين من القضاء يبقى نروح نضرب فى الشرطة، لو سمحتوا لكل أب وكل أم احكم
ابنك فى البيت، عشان خاطر انت صرفت على ابنك كتير، وأنا أهلى صرفوا عليا
وعندى أطفال مش ناوى أسيبهم عشان انت مش عارف تحكم ابنك».
هذه الرسالة قابلها أعضاء ألتراس أهلاوى
بالسخرية، وعلقوا عليها فى صفحاتهم على فيسبوك بشعارات أهمها: «إلى
الداخلية صبرنا عليكو كتير.. 9 مارس تحديد مصير»، و«هيا حكاية ومش منسية..
ماتوا بمؤامرة من الداخلية»، و«الألتراس مش بتوع سياسية وبيانات.. نحن رجال أفعال وهنجيب حق إخواتنا من الداخلية»، و«9 مارس.. يا فرحة أم يا فوضى تعم».
ليست هناك تعليقات:
إرسال تعليق